უძველესი ისტორიის, უდიდესი კულტურისა და უგემრიელესი კერძების ქალაქი. რომში მოხვედრისთანავე ისეთი შეგრძნება გიჩნდებათ, თითქოს ორ ეპოქას შორის მოგზაურობთ, ჩვენ წელთაღრიცხვამდე და თანამედროეობაში ერთდროულად. გირჩევთ განთავსების საშუალება ტრევის შადრევანთან დაჯავშნოთ.

აღნიშნული ლოკაცია ძალიან მოსახერხებელია რომის ძირითადი ატრაქციების აღმოსაჩენად. ერთ დღეში,საფეხმავლო გზით შემოივლით შემდეგ კულტურულ ძეგლებს: Spanish Steps , Colosseum, Mouth of Truth და Trevi Fountain-ს თავისთავად. ნამდვილი, რომაული კერძების დასაგემოვნებლად სჯობს ტურისტული ცენტრებიდან მოშორებით მდებარე ე.წ. Trattoria -ებში დაგეგმოთ ვიზიტი.

გამოვარჩევდით რამდენიმე მათგანს: Trattoria Da Teo, Flavio al Velavevodetto, Osteria Le Mani in Pasta. რათქმაუნდა გვერდს ვერ აუვლით ტირამისუს და იტალიური ჟელატოს დაგემოვნებას. საუკეთესო ტირამისუს, ესპანურ კიბეებთან მდებარე, Pompi-ის საკონდიტროში აღმოაჩენთ, რომელსაც დიდი ისტორიის მქონე ოჯახი ამზადებს. ჟელატო ს დასაგემოვნებლად კი გირჩევთ Grome ეწვიოთ, რომელსაც რამდენიმე ფილიალი აქვს ქალაქში. რომში ნამდვილად არ გამოირჩევა ღამის ცხოვრების მქონე ქალაქად, თუმცა რამდენიმე ადგილი შეგვიძლია გირჩიოთ, სადაც გვიან საღამომდე მუსიკას მოუსმეთ, იტალიურ ღვინოს დააგემოვნებთ და დატკბებით საოცარი ხედებით. ესენია: Zuma, Baja და Voodoo Bar .