დავიწყოთ ვენეციით, ქალაქი, რომელიც თითქმის ყველა ადამიანის სამოგზაურო სიაში დამსახურებულ პირველ ადგილს იკავებს.

ქალაქში მოხვედრის რამდენიმე გზა არსებობს: წყლის ტრანსპორტით/ტაქსით, ავტობუსით/მანქანით და მატარებლით. გირჩევთ მატარებლს თუ არჩევანის საშუალება გექნებათ, რადგან სადგურიდან გამოსვლის მომენტი და ის სანახაობა, რაც თქვენ თვალწინ გადაიშლება დამერწმუნეთ ერთ-ერთ საოცარ კადრად დაგამახსოვრდებათ.

ვენეციის მთავარი მოედანი, სან მარკო სადაც მდებარეობს Doge's Palace . ირგვლივ უამრავი კაფე, სადაც უგემრიელესი ყავის და დესერტის დაგემოვნება არის შესაძლებელი. მოედანზე ხშირად არის ცოცხალი მუსიკა, რომელიც კიდევ უფრო ჯადოსნურს ხდის გარემოს. აქვე არის გონდოლების სადგომი, რომლებიც სხვადასხვა ხანგრძლივობით და მარშრუტით გასეირნებას გთავაზობენ. გირჩევთ მხოლოდ Grand Canal ის ტურს ნუ აიღებთ, გონდოლიერს სთხოვეთ პატარა ქუჩებშიშეგიყვანოთ , რომ მეტად ჩაიხედოთ ადგილობრივების ყოველდღიურობაში.

Murano - ლაგუნის კიდევ ერთი გამორჩეულად ლამაზი, ფერადი კუნძული. ამ სახელის გაგონებისას პირველიდ ალბათ “მურანოს შუშა” გახენდებათ, დიახ. აქ საოცრად ლამაზი ნაკეთობები იქმნება. ამ პროცესის ყურება და მასში მონაწილეობის მიღება ტურისტებისთვისაც არის შესაძლებელი. Lido di Jesolo - ვენეციის ლაგუნის შემადგენლობაში მყოფი ნახევარკუნძული, სადაც განლაგებულია ჩრდილოეთ იტალიის ერთ-ერთი საუკეთესო საზღვაო კურორტი. აქ სასტუმროების დიდი არჩევანია. შეგვიძლია, როგორც სტანდარტული, ევროპული არდადეგებისთვის დამახასიათებელი, ასევე რეზორტის ტიპის, All Inclusive კონცეფციის განთავსების საშუალებები შემოგთავაზოთ. აღნიშნულ კურორტზე სახმელეთო გზით ხვდებით ვენეციის, მარკო პოლოს აეროპორტიდან. ლიდო დი იეზოლოდან ვენეცის ცენტრამდე კი შეგიძლიათ საზოგადოებრივი წყლის ტრანსპორტით გადაადგილება, რომელიც ყოველ ნახევარ საათში გადაადგილდება აღნისნული მიმართულებით და პირიქით.